مشاهدة النسخة كاملة : اي حد عنده فكرة للمنتدي في رمضان يدخل هنا
mezo-90
08-05-2009, 06:16 PM
بسم الله الرحمن الرحيم
في البداية كل سنة وانتو طيبين
زي ما احنا عارفين ان شاء الله شهر رمضان باقي عليه ايام
وكعادة منتدانا العظيم سوف يتم فتح قسم اسمه( الخيمة الرمضانية)
تحت اشراف اختنا
sozy bhgt
يضم كل المواضيع الخاصة بالشهر الكريم التي يطرحها الاعضاء والمشرفين
ولان شهر رمضان شهر مميز يبقي لازم يكون عندنا في الخيمة دي افكار مميزة
ياريت كل عضو عنده فكرة
مسابقة
قصة
الخ
....
اي شيئ مميز يقدر يقدمه في رمضان يطرحها هنا ونناقشها سوا
منتظر التفاعل
الموضوع الخاص بالمشرفين
من هنا
[فقط الأعضاء المسجلين والمفعلين يمكنهم رؤية الوصلات]
طائر من الدنيا
08-05-2009, 07:17 PM
السلام عليكم
شكرا ليك ياميزو على الفكرة الجميلة دى جعلها الله فى ميزان حساناتك باذن الله
انا كان عندى فكرة او تفدر تقول مشروع عن شنطة الخير وباذن الله ادمن كان قالى انه هيبدا يعلن عنها فى الخيمة الرمضانية
هى فكرتها باختصار ان طلبة عين شمس مثلا اللى تعرف بعضها يتفقو يجمعو يوم ويلما مبلغ ويبداو يعملو شنط رمضان ودى فيها (رز - مكرونة - عدس -زيت- سمنة -.............) ويروح لاماكن يعنى نقلر نقول الناس اللى مش عايشة ويبداو يوزعو عليهم وهكذا طلبة اسكندرية والمنصورة
بس ياريت فعلا يبقى فى تفاعل ومشاركات حقيقية بجد والله احساس تانى وانت بتسمع دعوة واحد فقير فعلا يستحق الصدقة عمال يدعيلك من قلبه وناس ممكن تبكى وهى بتشكرلك ياريت ياشباب مانبخلش على نفسنا بالثواب العظيم ده
طائر من الدنيا
08-05-2009, 07:19 PM
السلام عليكم
شكرا ليك ياميزو على الفكرة الجميلة دى جعلها الله فى ميزان حساناتك باذن الله
انا كان عندى فكرة او تفدر تقول مشروع عن شنطة الخير وباذن الله ادمن كان قالى انه هيبدا يعلن عنها فى الخيمة الرمضانية
هى فكرتها باختصار ان طلبة عين شمس مثلا اللى تعرف بعضها يتفقو يجمعو يوم ويلمو مبلغ ويبداو يعملو شنط رمضان ودى فيها (رز - مكرونة - عدس -زيت- سمنة -.............) ويروح لاماكن يعنى نقدر نقول فيها ناس مش عايشة ويبداو يوزعو عليهم وهكذا طلبة اسكندرية والمنصورة
بس ياريت فعلا يبقى فى تفاعل ومشاركات حقيقية بجد والله احساس تانى وانت بتسمع دعوة واحد فقير فعلا يستحق الصدقة عمال يدعيلك من قلبه وناس ممكن تبكى وهى بتشكرلك ياريت ياشباب مانبخلش على نفسنا بالثواب العظيم ده
ahmed balla7
08-05-2009, 10:47 PM
يا ميزو يا جامد
اصلي يا مان
انا عندي افكار كتير بس اللي جمعته لحد دلوقتي او الجاهز
هانختم القاران ف رمضان ان شاء الله تعالي
شخصيات وها خليها مسابقه
بمعني
هانطرح اول اليوم اسم الشخصيه و كل عضو يقول اللي يعرفوا عنها
وهتلاقي شخصيات من كل زمان ومكان
ممكن تلاقي افلاطون
وممكن شخصيات اسلاميه
بس مش الشخصيات اللي احنا نعرفها
الشخصيات دي احنا او بعضنا
ما يعرفش عنها غير اسمها بس
بس لسه دي ما اتجمعتش
وفي فكره كمان
وهي كل يوم دعاء للرسول صلي الله عليه وسلم
بس لسه بتتجمع
ع شان الاسانيد الصحيحه
وربنا يوفق والله المستعان
eng emy
08-06-2009, 11:30 AM
شكرا ليك ياميزو على الموضوع
وشكرا ليكى جدا طائر من الدنيا على موضوع الشنطه انا بصراحه كنت داخله اطرحه لقيتك سبقتنيى واخدتى الثواب
بس بصراحه الموضوع ده لازم يتنفذ لانه فعلا بيبقى حلو جدا
انا جاهزه للبدأ فى المشروع فورا لان لازم نبدأ نجهزله قبل رمضان انا تبع المنصوره اللى معايا ياريت يقولى
طائر من الدنيا
08-06-2009, 07:44 PM
السلام عليكم
شكرا لتفاعلك وردك يا امى وان شاء الله الثواب يعم على الجميع
وانشاء الله فى مهندسات كتير من المنصورة واعتقد انهم هيرحبو
جدا زى سوزى وامة الله وعاشقة حولى توصلى لحد منهم وتكونو على اتصال ببعض
abonesma
08-07-2009, 02:49 PM
ابو نسميه يحيكم
انا عندى شويه افكار كده يعنى والله المستعان
انا بقول انا اول حاجه ان المنتدى يكون ليه ثيم اسلامى من بدايه رمضان
وكمان نعمل موضوع يتعمله اعلان فى الوجهه بتاعت المنتدى
عن قصص الانبياء
وكمان ممكن نعمل مسابقات دينيه وفيها اسئله فى الدين
وعلى الجانب الترفيهى
ممكن نعمل مسابقات ترفيهيه ان مثلا زى كرسى الاعتراف كده وبنختار عضو
وكل الاعضاء تسأل العضو ده اسئله محرجه مثلا او اى اسئله تضحك
وشكرا يا ابو ميزو على الموضوع الجامد ده
معا نعمل للرقى بمنتدانا
ابو نسمه يشكركم على حسن القرايه
هههههههههههههههههههههههه
و اسلام يشكركم على حسن المتابعة
هههههههههههههههه
ايه يا عم الافكار الجامدة دى
اشطة عليك ..
جارى التحضير فى المعمل
mezo-90
08-08-2009, 01:40 PM
بشمهندسة طائر & ايمي
فكرة شنطة الخير هايلة بجد وجميلة بس للاسف تنفيذها كان عايز تخطيط من بدري عن كدة
وكمان تنفيذها بيستلزم ان الدراسة تكون شغالة عشان نقدر نوصل بالفكرة لعدد كبير من الطلبة او ع الاقل اصحابنا يشاركو فيها
انما مش معقول 4 طلبة او 5 هيقومو بفكرة كبيرة زي دي لوحدهم
دة مجرد راي
وعموما فكرة اننا نستخدم الخيمة لعمل خير فعلي زي دة فكرة جميلة
انا في الحقيقة كنت اقصد اننا نعمل افكار زي الي بنعملها دايما
مسابقات دينية قصص
اي حاجة نقدر نجمع بيها الناس وناخد ثواب كبير عليها
ابو نسمة
فكرة قصص الانبياء جميلة ياريت تبدا تشتغل عليها من دلوقتي وتجمع المعلومات وتعملها طريقة عرض شيقة ومختلفة
فكرة كرسي الاعتراف مطروحة في قسم المشرفين للاسف من قبل كدة وهتتنفذ وكلنا هنشارك فيها
بلح
فكرتنا وصلت خالص عند الاشراف
eng emy
08-09-2009, 09:06 PM
بشمهندس ميزو
الفكره ممكن التنفيذ فيها من دلوقتى وهى مش محتاجه وقت كتير بس هى للاسف محتاجه افراد كتير ومن الواضح ان محدش متفاعل معاها اصلا
وبعدين احنا محتاجين فى رمضان نقوم بانشطه تساعد الناس فعلا اكتر من استفادتنا الشخصيه
وده برده مجرد رأى
طائر من الدنيا
08-09-2009, 09:49 PM
صح يا ايمى على فكرة ياميزو الموضوع سهل جدا انا وصحابى بنعمله كل سنة هى فعلا عايزة افراد وشوية جراءة انك تدخل على الناس مثلا جيرانك اقاربك وممكن تلاقى طلبة فى الكلية وتجمعو مبلغ وتروحو اى عطار تشترو كل اللى انتو محتاجينه وتنزلو للناس فى رمضان توزعو الشنط على الفقرا
بجد حاجة كويسة اوى واحساس رهيب والناس بتدعى لك وتذكر
(كان الله فى عون العبد مادام العبد فى عون اخيه)
eng emy
08-10-2009, 10:33 AM
شكرا ياطائر على دعمك
فعلا الموضوع سهبل انا كنت بعمله وانا فى الكليه
وفى الشغل اللى قبل ده بس هو كان فى مكان مختلف ودلقوقتى نفذى انفذه
ياريت بس الاقى حد من طلبه المنصوره معايا وانا اقدر اجمع تبرعات كويسه ان شاء الله
NaNoSa
08-10-2009, 04:10 PM
بصو يا جماااعه انا عندى شويه افكااار كتير
اولا: فكره قصص الانبيااء
احنا كلنا عندنا قصص الانبيااء وكلنا مكتوبه بشكل مختلف وممكن قصص يكون فيها احداث زياده عن التانيه عشان كده انا بقترح ان احنا نختار حد من زميلنا اللى بيجيد كتابه القصص بشكل جميل او مشوق ونبعت له القصص اللى عندنا وهو يجمع القصص دى بحيث يجمعهم فى النهايه ويكتبهم فى موضوع واحد بحيث ان كل نبى نلاقى له قصه واحده جامعه كل الاحداااث مره واحده
ثانيا:الصور الرمزيه والتوقيع
كل عضو يحط اثناء رمضان صوره رمزيه اسلاميه وتوقيع فيه دعااء عشان كلنا نستفاد من الادعيه وكل اسبوع نعمل مسابقه لاحسن صوره رمزيه واحسن توقيع ونديهم وسام هديه خلال الاسبوع ده
ثالثا:الاسئله الدينيه
نعمل موضوع بيتكلم عن الاسئله الدينيه يعنى اللى عندو سؤال فى الدين او عنده فتوى سمعها ومش عارف صحتها يكتبها واحنا نناقشه فيها
رابعا :معلومات سريعه
نعمل موضوع نكتب فيه بعض العادات الخطا اللى الناس سعات بتقع فيها فى رمضان اوحاجات المحبوب نعملها فى رمضان
خامسا:الاغانى والافلام
ممكن نعمل موضوع ونحط فيه كل الاغانى الاسلاميه وكمان الافلام وممكن القران الكريم لوكامل بصوت بعض الشيوخ
انا عارفه ان ده معمول فى الميديا الاسلاميه بس انا قصدى انه يبقى منظم عنه شويه يعنى الاغانى لوحدها والافلام لوحدها والقران لوحده لان فيه مواضيع كتير ممكن تكون مكرره
سادسا:وصلت لغايه فين فى القران؟؟
نعمل موضوع كل واحد يدخل كل يوم يقول وصل لغايه فين فى القران سواء الجزء الكام او الصفحه رقم كام وده هيشجعنا ان احنا نقرا القران ونتسابق على ختامه اكثر من مره
دول شويه الافكااار اللى عندى دلوقتى لو لاقيت حاجه تانى هبقى اقول
بس يارب دول يعجبوكو الاول
m90saleh
08-10-2009, 07:35 PM
السلام عليكم ورحمته الله وبركاته
انا عندى اقتراح ان احنا نعمل مسابقة والمسابقة هتكون فى القرآن الكريم
وفكرة المسابقة هى : طبعا كلناعرفين ان شهر رمضان هو شهر القرآن
فالمسابقة هتكون عبارة عن سؤال كل يوم والسؤال ده هيكون فى جزء معين من القرآن نتفق عليه مع بعض
فمثلا لو اتفقنا على جزء كل يوم، يبقى السؤال فى اليوم الأول فى الجزء الأول وهكذا
ولو اتفقنا على جزئين كل يوم يبقى السؤال الأول فى الجزء الأول والثانى وهكذا
وبكده ان شاء الله هنشجع بعض على قراءة القرآن.
ايه رأيكوا ؟؟
mezo-90
08-20-2009, 05:08 AM
طب ياجماعة ياريت كل واحد من الي شاركو يجهز الافكار دي ويترجمها لشغل حقيقي يقدر ينزله في قسم الخيمة الرمضانية مع بداية الشهر الكريم وان شاء الله يلاقي تفاعل كويس من الاعضاء كلهم