مشاهدة النسخة كاملة : معنى البعد الرابع (الزمن)؟؟؟ تعالو نناقش
$ El co0ol $
04-05-2009, 12:16 AM
السلام عليكمورحمة الله وبركاته
ازيكم يا شباب هلوسة زراعية ؟؟ هندسة زوراعية ؟تمام ؟؟طب الحمد لله
عايزين نناقش بعض النهاردة عن البعد الجديد اللي ظهر في العالم (البعد الرابع!!!!!) احنا كنا بنسمع قبل كدة عن الابعاد الثلاثة x و y و z
البعد الرابع ده هو الزمن انا كنت قاعد مع ابن خالتي من فترة وهو في كلية هندسة وقعد بقة يحكيلي حاجات غريبة عن البعد الرابع ده
ورحت قعدت اقرأ وادور عنه وسمعت ان العلم والتكنولوجيا اللي حصلت من زمان لغاية النهاردة دي حاجة
والعلم اللي هيعملو البعد الرابع ده حاجة تانية خالص اجمد منه بكتير ......... فعايزين مع بعض كدة نتساءل ؟؟؟؟
كيف نفهم بعد الزمن الذي أضيف الى الأبعاد الثلاثة للمكان ؟
هل هو بعد وهمي أم حقيقي ؟ كيف نتعامل معه ؟ ما فائدته ؟ كيف يظهر على الواقع؟
نفكر مع بعض كدة بروية واطرحوا تصوراتكم
والسلام عليكم ورحمة الله وبركاته
اخوكم الكوووووووووول
دعاء جمال الجزار
04-06-2009, 09:48 AM
ممكن بعد اذنك توضح الموضوع ده شويتين عشان مش فاهمة اوى
$ El co0ol $
04-07-2009, 01:11 AM
ممكن بعد اذنك توضح الموضوع ده شويتين عشان مش فاهمة اوى
مش فاهمة ايه بالظبط
هي الحكاية وما فيها اننا كلنا عارفين ان اي حاجة ليها ثلاثة ابعاد (3d) فهل تقدر تتخيلي انك تشوفي حاجة بأربع ابعاد؟؟؟؟ لا طبعا بس مسمى البعد الرابع ده بيتكلم عن الزمن
وانا بصراحة مش عارف ليه مفيش غير رد واحد ؟؟؟هل انكم مشغولين؟؟ولا من نفس الموضوع مش عارفين نستوعبه ؟ولا ايه؟؟؟
مهما كان السبب فالرد بأي حاجة احسن من السكوت عنه...! وردودكم هي التي تحدد لي اللي هكتبه عن الموضوع الهام في رأيي
وشكرا ليكي اخت دعاء عالرد
مع اني مش عارف هل انا قدرت افيدك او اوضح لك
هو اللي محتاجينه ان كل واحد يكتب اللي يعرفه عن الموضوع مش اكتر وهنتناقش فيه
ياريت تكون وصلت المعلومة !!!
دعاء جمال الجزار
04-07-2009, 08:28 PM
بسم الله الرحمن الرحيم
البعد الرابع الهندسي شغله خيله !!
شكل هندسي مؤلف من 16 نقطة و 32 مستقيم 24 سطح و 8 مكعبات..أذا
أستطعت أن ترسم الشكل السابق قتكون وصلت الى بيئة ب بعد رباعي...
عندما نسمع كلمه البعد الرابع فورا بنظن ان المقصود هو الزمن بس الزمن بكل أسف
مابيعطينا حريه الحركه يلي البعد الرابع طبعا في حال وجوده بيعطينا ياها ...
دعونا نبدأ من البدايه ...
تخيلوا معي بيئه لابعديه اي كل شي منطبق على نقطه و حيده. حقيقه كأبه مابعدها
كأبه أن يتحول كل شي الى نقطه بلا ابعاد ولا حركه ...
تعالو نمثل تلك النقطه بعلامه من راس قلم رصاص على ورقه هذه النقطه تمثل البيئه
اللا بعديه .. لنضع راس قلم الرصاص على تلك النقطه ونتحرك قليلا نحو اليمين طبعا
سوف يتشكل خط مستقيم لنتخيل الحياه في هذه البيئه ذات البعد الواحد طبعا
الكائنات كلها سوف تكون قطع مستقيمه منبطحه على هذا المستقيم ولن يكون
بمقدورك الحركه الا الى اليمين او اليسار بهذه البيئه الاحاديه لايمكنك تجاوز العنصر
الذي الى يمينك او القفز عن العنصر الى يسارك وككائن أحادي البعد عليك ان تنتظر
الكائن الى يمينك او يسارك ليتحرك حتى تتحرك او عليك ان تدفعه. طبعا الدفع سلوك
غير مهذب لايليق بكائن ثلاثي البعد فكيف لوكنت أحادي البعد
ماعلينا ...
الان لنعطي المستقيم السابق مزيدا من الحركه ...
لنحركه الى الاعلى او الاسفل مع ترك الاثر الذي تتركه كل نقطه بهذا المستقيم عند
تحريكها ظاهرا .. يعني بكلام هندسي المحل الهندسي لحركه مستقيم يتحرك خطيا
طبعا الناتج هو "مستوي " تبدو الحركه نوعا ما أفضل في بيئه المستوي حيث يمكن
للكائن ان يتحرك يمين او يسار واذا صادفه عائق ما يمكنه التحرك الى الاعلى او
الاسفل بس لاحظوا انه مابامكانكم بهذه البيئه الا تشوفوا مستقيمات واذا قابلكم شي
مربع لاسمح الله بدكم تضطروا تدوروا حواليه لاستكشافه بس في مشكله بها البيئه
الثنائيه الابعاد هي لنتخيل مربع وبداخله مرسوم بداخله أحد أقطاره لايمكن لمخلوق
ثنائي البعد أن يرى القطر المرسوم بداخل المربع الا اذا فتح فتحه باحد أقطار هالمربع
و دخل الى داخله في هذه الحاله بالذات سوف تحسد الكائنات العايشه ببعد ثلاثي
لانهم مافي داعي يعملوا فتحات كل مابدهم يشوفوا شغله
هلق لنحرك المستوي السابق بكل نقاطه نحو الاعلى ماهو المحل الهندسي الناتج
عن تلك الحركه ...؟؟!؟!؟
مكعب بسته أسطح و ثمانيه رؤوس وائنا عشر خط مستقيم اي شو هالرفاهيه هي
طبعا مافي داعي للوصف لانه البيئه التي نعيش فيها ... الحياه سهله ومريحه مافي
قيود البعد الاول والثاني ..
هلق خلونا نوجد البعد الرابع !!
اذا رجعنا شوي بنلاحظ انه
اللا بعد هو نقطه وحيده
البعد الاول هو رأسين وقطعه مستقيمه
البعد الثاني هو 4 رؤوس و 4 قطع مستقيمه
البعد الثالث هو 8 رؤوس و 12 قطعه مستقيمه و 6 مربعات و مكعب واحد
بالحساب لح يطلع معنا انه البعد الرابع عباره عن
16 رأس و 32 مستقيم و24 سطح و8 مكعبات اذا استطعت انك ترسم هالشكل
الهندسي بتكون وصلت لبيئه رباعيه وعيش بها العز ...
لنفترض انه قدر لك ان تعيش بمكان ذو بعد رابع أكيد مالح يكون في معنى للسجون
لانك بتتمكن من الخروج عن طريق البعد الرابع و مابيعود في معنى لفرده حذاء يمنيه
شماليه لانك بتستطيع ان تغيرهم عن طريق البعد الرابع ... طبعا في خوارق كثيره
بامكانك تصير تساويها بمعيه البعد الرابع ...
طبعا البعد الرابع هو حيز هندسي بحت لايوجد له وجود واقعي لانه لايمكن تخيل كائن
هندسي حسب المواصفات السابقه ... مع انه في ناس يقولون اننا نعيش بوسط
رباعي البعد بس مابنعرف شلون نستخدم هذا البعد ولا كيفيه الولوج اليه ...
لايضاح الركام السابق أعلاه شوفوا الصور تحت :w6w200504111348476f
[فقط الأعضاء المسجلين والمفعلين يمكنهم رؤية الوصلات]
[فقط الأعضاء المسجلين والمفعلين يمكنهم رؤية الوصلات]
دعاء جمال الجزار
04-07-2009, 09:05 PM
ياريت لو حد قدر يتخيل البعد الرابع يفهمنا
وبشكرك على الموضوع ياباشمهندس لانه شيق جدا وكويس انك لفت نظرنا لموضوع زى ده
$ El co0ol $
04-07-2009, 09:40 PM
لالا لا لالالالالالالالالا انا بحترم وجهة نظرك بس انا كان نفسي تقرأي الموضوع وتحاولي تفهميه وتحاولى تعبري عنه بأسلوبك مش كوبي وباست ؟ههههههههههههههههه لان ده كلام واحد او واحدة سورية صح ؟ههههههههههههه بهرج معاكي مفيناش من الزعل
بس هو المرجع بتاعك يا اخت دعاء للاسف مش صحيح او بمعنى تاني هو مش فاهم يعني ايه البعد الرابع (اللي هو الزمن بكل تأكيد ) وخلى الموقع بتاع الفيزياء ده مرجعك الموقع التعليمي للفيزياء ([فقط الأعضاء المسجلين والمفعلين يمكنهم رؤية الوصلات])
وهو بيعتمد اعتماد كلى على النظرية النسبية لأنشتاين بحيث ان البعد الرابع ده مش حاجة ثابتة ....دا هو حاجة نسبية بالنسبة لحاجة
يعني مثلا لو عندنا حاجة بتتحرك في ارتفاع (طيارة مثلا ) وعايزين نحدد موقعها وهي ماشية في الجو ازاااااااااااااي؟؟؟؟
لو قلنا: الطائرة تقع على طول كذا- وعلى عرض كذا-وعلى إرتفاع كذا
ومكملناش ...فذلك يعني أن تلك الطائرة ثابتة ولا تتحرك
ودا حاجة مش طبيعية يعني
هنا سنحتاج إلى بعد رابع وهو ما يعرف بالزمن...أو الوقت حسب الكرة الأرضية لأكون أكثر تحديداً
لأن الزمن كلمة مطاطية قد تعني الكثير
وهذه الأبعاد الأربعة كافية لتحديد مكان أي شيء متحرك على سطح الكرة الأرضية
وفي هذه الحالة سنقول:
في هذه اللحظة
(أو في هذه الثانية وفي الدقيقة وفي الساعة وفي اليوم وفي الشهر وفي السنة كذا)
تكون الطائرة بالضبط : على طول كذا بعرض كذا وبإرتفاع كذا يبقى دخلنا الزمن في تحديد مكان الطيارة
صوح ولا مش صووووح يا اخت دعاااااااااااء
وشكرا ليكي دا مش شكرا ....دا الف شكر ليكي على البحث والمشاركة في الموضوع
ويارب تكوني استفدتي زي ما انتي افدتينا
ومستني باقى علماء المنتدى يشاركو؟؟؟؟؟؟؟ههههههههههههههههه يا مسهل
دعاء جمال الجزار
04-07-2009, 10:05 PM
ماشى شكرا على ردك واهتمامك بالموضوع
بس على فكرة انا قراته وفهمت نصه بالظبط بس انت وضحت اكتر لما رديت دلوقتى
انا عملت كوبى وبست علشان تقراوا اللى انا قراته واللى فهمته مش اكتر
وشكرا تانى مرة على الموضوع ده
لأا طبعا يا ابو حميد
اللى ما ردش لانه مش فاضى مش لان موضوعك وحش
انا شخصيا الموضوع مختلف
انا ردى فى الموضوع ده كبير و مش عاوز اقول كلمة شكر و اخرج .. انا عاوز ادووووووس جامد
اولا شكرا لدعاء و المشاركة منها بس انا كمان اعتقد ان الموضوع مش ده المقصود منه
انا طبعا مش خبير ولا عالم بس هقول اللى اعرفه و اللى اقدر افيد بيه
الزمن وحدة قياس مسافة فعلا .. لان المسافات الكبيرة اوى بتتقاس بالسنين الضوئية
و كلنا عارفين ايه هى السنة الضوئية و انها على اساس زمنى
و فكرة سرعة الضوء دى هى النواة الاساسية للسفر عبر الزمن
يعنى مثلا لو روحنا كوكب بعيد عن الارض بعشر سنين ضوئية و جبنا تلسكوب قوى اوى و بصينا على الارض .. هنشوفها من 10 سنين فاتو
ولا بعدنا اكتر لكوكب بيبعد كام الف سنة ضوئية و بصينا على الارض من هناك .. هنلاقى الارض عليها فارعنة و امبراطورية رومانية و هكذا
ده مثال لعلاقة الزمن بالمسافة
و مثال تانى
لو انا قدرت اعدى مسافات بسرعة كبيييييييييييييييرة جدا تفوق سرع الضوء بمراحل ( و ده حتى الان مستحيل تقريبا )
يبقى ساعتها بس اكسر حاجز الزمن و يبقى البعد الرابع ده التحكم فيه اسهل ما يكون
ازاى ؟
نفرض مثلا ان فى نقطة 1 و نقطة 2 و نقطة 3 جمب بعض .. ورقم 2 فى النص بينهم
لما 1 تتحرك الضوء بيخرج منها يمشى ناحية 3 و بيعدى على 2
تمام ؟
طيب لو 2 قريبة من 1 اوى .. هتشوف تحرك 1 قبل ما 3 تشوفه بكتير
طب لو رقم اتنين بتتحرك بسرعة اكبر من سرعة الضوء باضعاف ؟
اللى هيحصل ان الضوء هيخرج من رقم 1 و 2 هتشوفه .. ولو بسرعة بعدت شوية فى اتجاه 3 هتقدر تشوفه تانى .. و كدة يبقى اسمها رجعت بالزمن
ولو قربت شوية هتشوف الجديد اللى بيحصل قبل ما 3 تشوفه و كدة يبقى اسمها سبقت الزمن
اعتقد محدش فاهم حاجة لان الموضوع محتاج شرح عملى و اكبر كمان و اعمق من كدة بكتير
بس ده ملخص معلوماتى عن موضوع البعد الرابع
تشكر يا كوووووووووووووول باشا ع التوبك
و تسلمى يا دعاء ع الاضافة