نفسى اعرف ما بعد الان

[Moamen Maso]

الســــــــــــــــــــلام علــــــــــــيكم

بعد اجمل تحية انا نفسى بجد اعرف ماذا بعد الان نسيت اعرفكو بنفسى انا طالب فى قسم هندسة زراعية

فرقة اولى كلية زراعة جامعة اسكندرية اتهيالى فى ناس كتير اوى اتكلمت عن مطالب للقسم وكارنيهات وبوابات وازى يبقى

قسمنا على ارض وندخل من بوابة زراعة وحاجات من ذلك القيبل لكن انا نفسى اعرف بجد ماذا بعد الان دلوقتى هما طوروا اللايحة

ونزلوا بالفعل لايحة جديدة بنظام الساعات المعتمدة وغيروا تغيير جذرى فى المناهج ويقال ان القسم هيبقى خمس سنين هل ده صحيح

ولا لا ولو فعلا صحيح هيبقى الموضوع ازى ونظام الساعات المتعمدة ده يعنى اختيار فين الاختيار واحنا اخدنا الايحة اجبارى طيب والسمر

كورس ايه نظامه وازى وحاجات كتير ويا رب افهمها طيب خلينا نمشى معهم واحدة واحدة هما غيروا ليه هل فعلا ناويين يخلوا القسم كلية

لوحده ولا هيخلوا القسم تبع هندسة ولا هيبقى الوضع على ما هو عليه وتمشى الدنيا زى ما هى

انا عارف انى طولت عليكم بس نفسى اعـــــــــــــرف

:mtr15:

[أحمد صبحى]

أنا شخصيا أتمنى ذلك لتكون لنا بعد ذلك نقابة قوية تدافع عن مصالحنا و يكون لنا امتيازات خاصة بنا كما كلية الهندسة

[skon]

انا اتخرجت السنادي والوضع زي ما هو لمادخلت ولما خرجت وبتمنى بجد يكون حظكوا احسن من حظنا

[كامل أبوالليف]

يبقى الوضع كما هو عليه .... كلنا كنا فى سنة اولى وتانية كدا زيكو بالظبط وبرده العميد اجتمع بينا وقال انها ممكن تستقل السنة الجاية ههههههههههههه كلام
واول ما بنطلع تالته خلاص لازم ترضى بالامر الواقع وكل همك انك تخلص وخلاص وعلى فكرة وجودنا مع زراعة ليه مميزات كتير بس بقى للاسف احنا مصريين يعنى الزراعة دى اصلنا واصل اجدادنا اللى اقامو اكبر نهضة زراعية عرفها التاريخ .. والمشكلة هنا مشكلة مجتمع وحكومات
المجتمع بينظر الى اهل الزراعة نظرة غبية وده يرجع الى ان المجتمع متخلف للاسف
والحكومه ما بتحاولش تشجع الشباب وترفع من شأن الزراعة ولو عملت ده كان المجتمع غير فكرت عن الزراعة والزراعيين..

اسف ع الاطالة .. تقبلوا تحياتى

[Eman]

[quote=كامل أبوالليف;189388]يبقى الوضع كما هو عليه .... كلنا كنا فى سنة اولى وتانية كدا زيكو بالظبط وبرده العميد اجتمع بينا وقال انها ممكن تستقل السنة الجاية ههههههههههههه كلام
واول ما بنطلع تالته خلاص لازم ترضى بالامر الواقع وكل همك انك تخلص وخلاص وعلى فكرة وجودنا مع زراعة ليه مميزات كتير بس بقى للاسف احنا مصريين يعنى الزراعة دى اصلنا واصل اجدادنا اللى اقامو اكبر نهضة زراعية عرفها التاريخ .. والمشكلة هنا مشكلة مجتمع وحكومات
المجتمع بينظر الى اهل الزراعة نظرة غبية وده يرجع الى ان المجتمع متخلف للاسف
والحكومه ما بتحاولش تشجع الشباب وترفع من شأن الزراعة ولو عملت ده كان المجتمع غير فكرت عن الزراعة والزراعيين..

اسف ع الاطالة .. تقبلوا تحياتى
[/quote

الكلام دا صح مليون المية يابشمهندس
مش مهم كل اللى يقابلك يقولك انت زراعة تزعل
هو مش فاهم حاجة
الزراعة دى اساس الحضارات
وغير كدة المهم انت ايه وهتعمل ايه لما تتخرج وتبقى على يقين انك شخص ذو قيمة
مش مهم الناس تقول ايه
المهم انت هتعمل ايه

[كامل أبوالليف]

مش مهم كل اللى يقابلك يقولك انت زراعة تزعل
هو مش فاهم حاجة
الزراعة دى اساس الحضارات
وغير كدة المهم انت ايه وهتعمل ايه لما تتخرج وتبقى على يقين انك شخص ذو قيمة
مش مهم الناس تقول ايه
المهم انت هتعمل ايه

الله عليكى يا بشمهندسة .. هو ده الكلام

[Eman]

مش مهم كل اللى يقابلك يقولك انت زراعة تزعل
هو مش فاهم حاجة
الزراعة دى اساس الحضارات
وغير كدة المهم انت ايه وهتعمل ايه لما تتخرج وتبقى على يقين انك شخص ذو قيمة
مش مهم الناس تقول ايه
المهم انت هتعمل ايه

الله عليكى يا بشمهندسة .. هو ده الكلام

متشكرة اوى

من بعض ما عندكم

[احمدمحروس]

بص يابشمهندس مفيش حاجة اسمها الكلية تنفصل وحتى لو انفصلت برضه زراعة
معرفش زراعة ايه دى اللى طلعتلنا فى البخت اللى الواحد عمره ما فكر فيها اصلا
كلية تعبانة ونظام تعليم فاشل واربع سنين بيضيعوا من حياة الواحد وخلاص وبعدين يشتغل فى اى مجال غير مجاله
اقولك احسن حاجة لازم الواحد يواجه نفسه بالحقيقة ولا يحاول الهرب ويترك الشعارات الكدابة
قسم كوكتيل مش هندسة زراعية اهه حاجة بيضحكوا بيها على المغفلين اللى لسه داخلين سنة اولى (مع احترامى ليكم )
ودكاترة الفلاحين والمزارعين يفهموا احسن منهم
وطلبة حفيظة متعرفش غير الحفظ وكله بيتنسى وبيعدى
وربنا يتولانا
معلش ياجماعة لو كنت ساخط على الكلية بس الواحد نفسيته باظت خالص منها
على راى الهضبة عايش ومش عايش

[eng/muslima]

ياجماعه القسم مش هينفصل ولا هيبقى خمس سنين

واللى يقول غير كده يبقى بيضحك عليكوا

بجد الكلام ده خد كتير اوى وكان هيسببلنا كمان مشاكل كتير

ياجماعه احنا قسمنا مش وحش للدرجه دى احنا احسن من كليات وتخصصات تانيه كتير

للمره الميه وخمسين الف زراعه مش عيب ياناس

ماتخلوش حد يضحك عليكوا تانى

[zezo_eng]

ع فكرة كلام احمد محروس ضايقني

وده لو حال الطلبة
يبقي عليه العوض بجد

لاني لما نكون احنا مش مقتنعين وبنقول كده ع الكلية بتاعتنا

يبقي المجتمع هيقول ايه
مش هيرحمنا طبعا

ياريت تفهم الكلام ده يا احمد
الشجرة التي تستظل بها زرعها من كان قبلك فاحرص علي ان تزرع شجرة حتي يستظل بها من بعدك

يعني لازما نكمل المسيرة ونسيب اثر طيب للمجتمع

الدنيا كلها مش قايمة ع الطب والهندسة
وانا محبش اي حد يرمي حموله كلها ع المجتمع
والعيب مش في الناس
احنا لو كلنا رضينا بحالنا وبحالتنا دي هييجي اللي بعدنا راضي وهيعمل في صمت
عجبتني كلمة ايمان
قالت مش مهم انت ايه ؟
المهم انت هتعمل ايه وهتنفذ ايه في الدنيا دي ؟
وهتفيد المجتمع بتاعك بايه ؟

ياريت قبل الكلام ده
نسأل نفسنا كم سؤال بس ؟

انا مين بالظبط ؟
وعايز ايه ؟
وعملت ايه للمجتمع والدنيا اللي انا رامي عليها كل الحمول والهموم بتاعتي ؟

صدقوني المشكلة مش في المجتمع ؟
المشكلة فينا احنا كطلبة وناس

نصيحة لكل واحد داخل هندسة زراعية ويهمه المجال ده

لو انت عايز تعمل حاجة بجد وحابب المجال ده .... فانت هتقدر تعمل حاجات كتير وهيفتحلك ابوابه
لو انت بتبص للاسم وانك يتقال عليك المهندس راح والمهندس جه وانك كذا وكذا يعني من الاخر باصص للاسم
يبقي متدخلشي المجال ولا تقرب منه وياريت تدخل اي كلية تاخدها وتقعد في الاخر تقوول الله يخربيت البلد والمجتمع

هيا كده الدنيا مش هترحم حد ؟؟
هتديها هتديك
هتاثر فيها هتاثر فيك وهتديك

فكروواااا بعقلكم وبلاش فكر الناس يأثر عليكم

لان طوول منتوا هتبصوا لكلام الناس مش هيتنفعوا


ربنا يوفقكم بجد وتقدروا تعملوا حاجة للمجتمع
وقتها هيقال ان
رجالة الهندسة الزراعية عملت حاجة فادت بيها الناس

بس خلص الكلام
ياريت محدش يزعل من كلامي وكمان ياخد الحلو منه لو فيه حلو
ويسيب الوحش واللي مشعاجبه



(( وعسي ان تكرهوا شيئا وهو خير لكم))

تحياتي

وانا بحب الهندسة الزراعية
ونفسي اعمل حاجة تفيد المجال

[كامل أبوالليف]

كلام جميل اوى يازيزو
احمد محروس سخن بس شوية وكلنا بتمر علينا الفترة دى ... وبعد كدا عادى جدا
بس فيه حاجه عايز اوضحها ان كل واحد فينا داخل وعارف وسأل عن الكلية بدل المرة تلاتة خمسين
وعارف نظامها وهو بيقدم عارف كل حاجه .. ليه ما حاولش انه يحول كلية تانية مثلا !!!!!!!!!!!!

بصراحة هو لو لسه فى الكلية ومازال مش مقتنع بيها يبقى بيشتغل نفسه ...
لانه عمره ما هينفع نفسه ..

[احمدمحروس]

معلش ياجماعة على كلامى كان سخن حبتين
بس بصراحة بتيجى فترات على الواحد بيكونش مقتنع بالكلية ولا التعليم من اساسه
لكن سرعان مايعود الفرد الى صوابه ويفكر من جديد
لكن دعونا نتفق بأن فى سلبيات فى القسم تخلى اى واحد يثور
يعنى مثلا لما يكون الواحد فى سنة اولى داخل الكلية وعامل نفسه طه حسين وبيحب العلم والعلم بحر لاساحل له ويتمنى ان يغرق فى هذا البحر
ويكون معبأنفسيا للعمل وللإبداع ويلاقى مرة واحدة ان كل الكلام ده اشتغالات ويلاقى ان الحقيقة تكمن فى ان الواحد يعدى المادة ويجيب تقدير بس
لكن ابداع او مجال للنقاش مفيش
لأنك بتدرس علوم مالهاش اى دعوة ببعض
يعنى مثلا ايه فايدة علوم اراضى ولا مادة نبات زراعى ولامادة زى الانجليزى اللى انا والدفعة كلها حضرناش ولا محاضرة وجبنا امتياز
يعنى بصراحة مفيش ربط المواد بالتطبيقات ولا بمجال العمل
وكمان نظام الساعات المعتمدة اللى عندنا هنا فى القاهرة مخلى العملية بايظة ومش تمام
انا مش اقصد النظام ذات نفسه
لا انا اقصد تطبيق نظام الساعات المعتمدة
يعنى بتوع الشئون مش منظمين ولا الكلية ذات نفسها
لأنك ممكن تلاقى حد فى سنة تانية وواخد مواد من تالتة
وكمان ممكن تلاقى مواد ليس لها متطلب سابق وتلاقى بعد شوية ليها متطلب سابق معرفش طلع امتى ويخليك تحذف المادة وتلف مرة تانى على مادة غيرها
وكمان بتلاقى المواد الاختيارية مرة ينزلوها مع الاجبارية ومرة لأ فتحتار ويبوظ الجدول بتاعك بعد لما كنت مظبطه
فربنا يسترها معانا
وبقولها مرة تانية انا لاأعيب كلية زراعة وزراعة فعلا مش عيب
ده انا ساعات بااحسد زراعة بانهم عارفين مستقبلهم عننا
يعنى هما عارفين هيطلعوا ايه اما احنا مش عارفين اهداف مبهمة ومش موضحين اى شىء عن المستقبل
لكن مش هطول عليكم وبقول مرة تانى اسف على الاسلوب بتاع الكلام بس هى فعلا على راى البشمهندس كامل ابوالليف فترة بتيجى للواحد يسخن ويهدى تانى
ومحدش يزعل منى اصلى كنت مختار اغنية عايش ومش عايش لكن دلوقتى الحمدلله رجعت لرشدى واخترت البوم تامر الجديد
اخترت صح